Э. Раҳмон Сафири Ҷумҳурии Маҷористон дар ҶТ-ро ба ҳузур пазируфт

Душанбе, 17 октябр. (АМИТ «Ховар», Дилшодаи Хайруллоҳ). — Имрӯз, 17 октябр Президенти Ҷумҳурии Тоҷикистон Эмомалӣ Раҳмон Сафири Фавқулоддаю Мухтор ва намояндаи тиҷоратии Ҷумҳурии Маҷористон дар Ҷумҳурии Тоҷикистон Имре Ласлотский ва Ишван Моквариро ба ҳузур пазируфт.Имре Ласлотский дар назди хабарнигорони васоити ахбори омма андешаҳояшро иброз карда, аз ҷумла гуфт, ки: «Дар вохӯрӣ бо Президенти ҶТ Эмомалӣ Раҳмон  мо имкон пайдо намудем, ки баъзе масоили иқтисодиро муҳокима намоем. Мо аз сӯҳбат бо ҷаноби Президент нисбат ба иқтисодиёти Тоҷикистон тасаввуроти пурра ҳосил намудем ва фикр мекунам, ки ҳамкориҳои дуҷонибаи мо солҳои минбаъда низ дар сатҳи зарурӣ идома меёбанд»,- зикр намуд дипломат.