Таҷҳизоти нави ташхис дар Маркази миллии тиббии Тоҷикистон

Душанбе, 12 октябр. (АМИТ «Ховар», Кристина Эрлих). — Имрӯз, 12 октябр дар Маркази миллии тиббии Тоҷикистон маросими ботантанаи қабули таҷҳизоти муосиру пуриқтидори ташхис бо иштироки муовини Вазири тандурустии ҶТ Соҳибназар Раҳмонов, сардухтури Маркази миллии тиббии Тоҷикистон Абдукарим Шехов ва мутахассисони пешбари маркази мазкур баргузор гардид.Дар ин бора ба хабарнигори АМИТ «Ховар» аз маркази матбуоти Вазорати тандурустӣ иттилоъ доданд.Дастгоҳи томографии оҳанрабоӣ-резонансӣ, дастгоҳи компютерии томографии морпеч, дастгоҳи рентгении рақамӣ ва дастгоҳи ташхиси ултрасадоӣ ба ин таҷҳизоти пуриқтидор дохил мешаванд. Таҷҳизот бо маблағи соҳибкорони тоҷик харид шудааст. Таҷҳизоти муосир дорои нерӯи пурқудрат буда, ба  талаботи ҷаҳонӣ ҷавобгӯй аст.