Туризм бояд фоидаи иқтисодӣ орад

Душанбе, 3 октябр. (АМИТ «Ховар»,  Людмила  Дубинина). – Чанде  пеш  дар   шаҳри  Душанбе  ба  ифтихори рӯзи  туризм  ва бахшида ба  20 – солагии  Истиқлолияти  Тоҷикистон  Конфронси   дуюми  миллӣ  оид ба  туризм  баргузор  гардида,  дар  кори  он  беш  аз  120 нафар  намояндагони  олимақоми  бахши  давлатию  инфиродӣ ва  созмонҳои байналмилалӣ иштирок  намуданд.Дар конфронс   мавзӯи  «Хулосаи  стратегияи  миёнамӯҳлати  рушди  туризм ва Барномаи  миллии  тақвияти  туризм  дар Тоҷикистон  барои  солҳои  2010 – 2014» мавриди баррасӣ  қарор  гирифт. Таҳлили  вазъи  ҳозираи  ин  соҳа  нишон  дод, ки  дар  натиҷаи  рӯи  кор  овардани  ислоҳот  бахши  туризм  дар  кишвар  рушд  ёфтааст. Дар  қатъномаи  конфронс   зикр  шуд, ки Тоҷикистон, ки   дорои  мероси ғании  фарҳангӣ  ва  захираҳои  табииӣ  мебошад,  туризмро  ҳамчун  самти  афзалиятноки  рушди  иқтисодиёти  миллӣ  муайян  намуд. Ҷумҳурии Тоҷикистон  кӯшиш  дорад, ки  то соли  2014 – ум  55  ҳазор  нафар  сайёҳонро қабул  намуда, ин  бахшро  ба  яке  аз  соҳаҳои  фоиданоктарини иқтисодиёти  миллӣ табдил  диҳад.