Баррасии Барномаи миллӣ оид ба бемории сил

Душанбе, 24 ноябр. (АМИТ «Ховар», Кристина Эрлих ). – Имрӯз, 24 ноябр, дар шаҳри Душанбе машварати ҷумҳуриявӣ ҷиҳати муҳокимаи Барномаи миллӣ оид ба бемории сил баргузор мегардад.Дар ин бора ба хабарнигори АМИТ «Ховар» дар маркази матбуоти Вазорати тандурустии Ҷумҳурии Тоҷикистон иттилоъ доданд.Дар кори машварат намояндагони ҳамаи ниҳодҳои сохтории Вазорати тандурустии ҶТ, роҳбарони марказҳои ноҳиявӣ ва вилоятию шаҳрӣ оид ба муборизаи зидди бемории сил ва хадамоти Маркази санитарию эпидемиологӣ, ҳамчунин намояндагони вилоятҳои Хатлону Суғд ва ВМКБ иштирок менамоянд.Машварат таҳти раёсати вазири тандурустии ҶТ Нусратулло Салимов баргузор мешавад. Мувофиқи суханони манбаъ, дар ҷараёни машварат маърӯзаҳо марбут ба масоили ҷилавгирӣ, табобат ва мубориза бо бемории сил дар Тоҷикистон шунида мешавад. Ҳамчунин дурнамои назорати татбиқи Барномаи миллии ҶТ оид ба ҳифзи аҳолӣ аз бемории сил мавриди баррасӣ қарор мегирад.