Баррасии ташкилнамоии ҳукумати электронӣ

Душанбе, 16 ноябр. (АМИТ «Ховар», Пайрав Назаров). — 15 ноябри соли 2011 дар шаҳри Тошканд Форуми 5-ум оид ба ҳамкорӣ миёни Ҷумҳурии Куриё ва кишварҳои Осиёи Марказӣ оғоз гардид, ки дар чаҳорчӯби он ҳамчунин Форуми 4-уми сармоягузорӣ миёни Ҷумҳурии Куриё ва давлатҳои минтақа ва ҷаласаи махсус оид ба масъалаҳои ҳавосанҷӣ (метеорология) сурат мегирад.Тавре ки аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд, дар форум ҳайати расмии Ҷумҳурии Тоҷикистон зери роҳбарии Низомиддин Зоҳидов, муовини вазири корҳои хориҷӣ иштирок кард, ки ба он ҳамчунин намояндагони вазорату идораҳои гуногуни ҷумҳурӣ шомил буданд. Дар ҳошияи Форум масъалаҳо оид ба соҳаи илму техника, мубодилаи таҷриба доир ба рушди минтақаву ноҳияҳо, ҳамкориҳои байниҳукуматӣ дар соҳаи ташкил намудани ҳукумати электронӣ ва инкишофи варзиш баррасӣ мегарданд.