Ноумедӣ дар бозии сеюм.

 Душанбе, 2 ноябр. (АМИТ «Ховар», Аловиддин Бӯриев). – Дастаи мунтахаби ҷавонони то 19 солаи мамлакат дар бозиҳои интихобии ҷоми Осиё дар гурӯҳи «Б» баъди бохти навбатӣ аз дастаи мунтахаби Урдун бо ҳисоби 1 бар 4 ҳуқуқи ба даври ниҳоӣ роҳхат гирифтанро аз даст дод. Тӯби ягонаро   Фирӯз Раҳматов ба нишон расонид. Дар ин гурӯҳ дар даври сеюм «Баҳрайн» дастаи  мунтахаби «Бутан»-ро 3 бар 0 ва «Қатар» « Кувайт»-ро 1 бар 0 мағлуб намуда, муборизаро барои роҳхат ба даври ниҳоӣ идома медиҳанд.
 
Дар гурӯҳи «А» дар вохӯрии дастаҳои мунтахаби  Арабистони Саудӣ ва Малдив ҳисоби рекордии 11 бар 0 ба қайд гирифта шуд. Дастаи «Ироқ» дар ин гурӯҳ бар футболбозони «Уммон» бо ҳисоби 4 бар 1 ғалаба кард. 4 ноябр дар дидори охирин  дастаи мунтахаби кишвар бо дастаи мунтахаби Қатар қувва меозмояд.