Рӯзҳои синамои Қазоқистон дар Тоҷикистон

Душанбе, 15 ноябр. (АМИТ «Ховар», Людмила Дубинина). — Имрӯз, 15 ноябр, дар шаҳри Қурғонтеппаи вилояти Хатлон маросими ифтитоҳи Рӯзҳои синамои Қазоқистон баргузор мегардад. Фестивали филмҳоро, ки то 18 ноябр идома меёбад, Сафорати Қазоқистон дар Тоҷикистон бо дастгирии Ҷамъияти саҳҳомии «Қазоқфилм»-и ба номи Ш. Айманов созмон додааст.Дар чаҳорчӯбаи Рӯзҳои синамои Қазоқистон филмҳои «Кучманчӣ», «Афсонаи харгӯши гулгун» ва «Осмони овони кӯдакии ман», ки аз давраи бачагии президенти Қазоқистон Нурсултон Назарбоев нақл мекунад, намоиш дода мешаванд. Дар ҷараёни Рӯзҳои синамои Қазоқистон бахшида ба 20-солагии Истиқлолияти Қазоқистон, ки 16 декабр таҷлил мегардад, намоишгоҳи суратҳо доир мешавад. Дар ин бора ба АМИТ «Ховар» дар Сафорати Қазоқистон дар Тоҷикистон хабар доданд.