Варзишгарони наврас- барандаи медали тиллоӣ

Душанбе, 11 ноябр. (АМИТ «Ховар», Мавҷуда Анварӣ). — Аз 3 то 5 ноябр дар шаҳри Санкт-Петербурги Федератсияи Русия мусобиқаи байналмиллалӣ оид ба гӯштини тарзи юнонию румӣ баргузор шуд.Тавре котиби матбуотии Кумитаи миллии олимпии ҶТ Муродалӣ Тешаев хабар дод, дар ин мусобиқа 6 варзишгари навраси тоҷик низ иштирок намуд.«Аз ҷумлаи 6 нафари иштирокдошта касе бе медал ба ватан барнагашт,-зикр намуд манбаъ.- Онҳо 4 медали тилло , 1 медали нуқра ва 1 медали биринҷиро соҳиб гардиданд».
 
«Варзишгарони наврас Ҳусейн Саидов дар вазни 29 кг, Довуд Тошев дар вазни 35 кг, Аҳмад Каримов дар вазни 42 кг ва Абӯбакр Ҳусейнов дар вазни 47 кг  барандаи медали тиллои мусобиқа гаштанд»,-афзуд манбаъ.