Барномаи нави ИДМ роҳандозӣ шуд

Душанбе, 8 декабр. (АМИТ «Ховар», Пайрав Назаров ). – 7 декабр таҳти васояти Раёсати ИДМ оид ба маводи нашъаовар ва ҷинояткорӣ маросими роҳандозӣ намудани барномаи минтақавии мадад ба саъю кӯшишҳо дар амри мубориза бо маводи нашъаовар дар Афғонистон ва кишварҳои ҳамсоя барои солҳои 2011 – 2014 баргузор гардид. Дар ин бора маркази навигариҳои СММ хабар медиҳад.Тавре Директори иҷроияи Раёсати СММ оид ба маводи нашъаовар ва ҷинояткорӣ Юрий Федотов иброз дошт, бо назардошти он, ки солҳои наздиктарин барои ояндаи Афғонистон солҳои ҳалкунанда мегарданд, мо бояд зидди хавфу хатари маводи нашъаовар бо камоли масъулият ва ба таври мушаххас амал кунем. Юрий Фетодов зикр намуд, ки созишномаи миёни Афғонистон, Эрон Қазоқистон, Қирғизистон, Покистон, Тоҷикистон, Туркманистон ва Ӯзбекистон, ки мақсад аз он таҳким бахшидани ҳамкорӣ дар мубориза алайҳи маводи нашъаовар мебошад, ҳуҷҷати бе собиқа аст.