Боксчии тоҷик дар қатори беҳтаринхо

Душанбе, 1 декабр. (АМИТ «Ховар», Аловиддин Бӯриев). – Дар ҷаҳони варзиш расм шудааст, ки охири ҳар сол ҳамаи Федератсияҳои байналмилалӣ вобаста ба ҳунарнамоӣ ва истеъдоди варзишгаронашон беҳтаринҳоро муайян карда, онҳоро бо тӯҳфаву ҷоизаҳо сарфароз мегардонанд. Инак, хушхабар аз Федератсияи ҷаҳонии бокси ғайрикасбӣ: боксчии ҷавони тоҷик Асрор Воҳидов, ки соли ҷорӣ дар чемпионати ҷаҳон миёни наврасон дар вазни 48 кг ғолиб омада буд, беҳтарин боксчии ҷавони ҷаҳон дар соли 2011 эълон гардид. Ин шарафи бузург на ба варзишгар муяссар мешавад. Асрор аввалин варзишгари тоҷик аст, ки ба ин унвон шарафёб гаштааст.