Федератсияи футболи Тоҷикистон. Интихоботи навбатӣ

Душанбе, 20 декабр. (АМИТ «Ховар», Аловиддин Бӯриев).- Дар саросари олам ҳар 4 сол барои ишғоли вазифаҳо дар федератсияҳои футболи кишварҳои аъзои ФИФА конфронсҳои ҳисоботию интихоботӣ баргузор мегарданд. Бино ба иттилои ноиби президенти Федератсияи футболи мамлакат Валерий Турсунов, дар назар аст, ки рӯзи 7 январи соли 2012 конфронси ҳисоботию итихоботии ФФТ доир гардад. Алҳол барои ноил шудан ба вазифаи президенти Федератсияи футболи кишвар номзадии як нафар- Рустами Эмомалӣ, сарпараст ва ҳамлагари тими футболи «Истиқлол»-и шаҳри Душанбе, узви Кумитаи байналмилалии Шӯрои Олимпии Осиё ва ноиби раиси Федератсиюни футболи мамлакат пешкаш шудааст. Дар кори конфронс намояндагони ФИФА ва Конфедератсияи футболи Осиё ширкат хоҳанд кард.