Иҷлосияи ИДМ дар мавзӯи таъриху фарҳанг

Душанбе, 2 декабр. (АМИТ «Ховар», Людмила Дубинина). – Аз 8 то 11 декабр дар шаҳри Маскави Федератсияи Русия иҷлосияи ҷавонони кишварҳои аъзои ИДМ дар мавзӯи таъриху фарҳанг баргузор мегардад. Ин чорабинӣ бо ибтикори Бунёди байнидавлатии ҳамкории башардӯстона ва Шӯрои оид ба умури ҷавонони давлатҳои аъзои ИДМ роҳандозӣ мешавад. Тавре дар Намояндагии Бунёди байналмилалии ҳамкории башардӯстона дар Тоҷикистон хабар доданд, иҷлосия ба соли мероси таърихию фарҳангии кишварҳои аъзои ИДМ ва 20 – солагии таъсиси Иттиҳоди Давлатҳои Мустақил бахшида мешавад.Дар иҷлосия қариб 150 нафар намояндагони 11 давлат, аз ҷумла намояндагони Тоҷикистон иштирок хоҳанд кард.