Иншооти хилофи қонун сохташуда аз байн бурда мешаванд

Душанбе, 13 декабр. (АМИТ «Ховар», Мурод Сотиев). – Мутобиқи дастури прокурори шаҳри Қӯрғонтеппа иншооти хилофи қонун сохташудаи шаҳр аз байн бурда мешаванд.Тавре дар прокуратураи шаҳри Қӯрғонтеппа ба АМИТ «Ховар» хабар доданд, прокуратураи шаҳр иншооти хилофи қонун бунёдшударо дар яке аз кӯчаҳои марказӣ ошкор намуд.Муовини раиси шаҳри Қӯрғонтеппа Тағоймурод Қосимов дар навбати худ хабар дод, ки ин иншоотҳо бе иҷозати дахлдор бунёд шуда, хилофи талаботи шаҳрсозӣ ва меъморӣ мебошанд. Ба гуфти Т.Қосимов, прокуратура аз рӯи 12 иншоот дастур баровардааст, ки ҳамаи онҳо бояд ҳатман аз байн бурда шаванд.