Мусодираи маснуоти оташбозӣ

Душанбе, 8 декабр. (АМИТ «Ховар», Лутфия Эшонқулова). – 7 декабр кормандони Вазорати корҳои дохилии Тоҷикистон дар ҷануби кишвар беш аз 22 ҳазор адад маснуоти оташбозиро мусодира намуданд.
Тавре дар дафтари матбуоти Вазорати корҳои дохилии ҶТ ба АМИТ «Ховар» хабар доданд, сокини 26 — солаи шаҳри Қӯрғонтеппа Ҳусейн Арабов бо гумони фурӯши ғайриқонунии маводи оташбозӣ дастгир шуд.
Ба гуфти манбаъ, аз рӯи ин ҳодиса парвандаи ҷиноӣ кушода, тафтишон идома дорад.
Хотирнишон месозем, ки бо қарори Ҳукумати Тоҷикистон аз соли 1997 инҷониб вориду фурӯш ва истифодаи маснуоти оташбозӣ расман манъ шудааст.