Рафти шудгор ва кишти тирамоҳӣ дар ноҳияи Ҳамадонӣ

Кӯлоб, 15 декабр. (АМИТ «Ховар», Ф. Мадаминов). – Дар ноҳияи Ҳамадонӣ 7 ҷамоати деҳот фаъолият мекунад ва миқдори умумии хоҷагиҳои деҳқонӣ дар ин ҷамоатҳо 2016 адад аст. Дар хоҷагиҳо 46 трактори шудгоркунанда машғули кор аст. Кишти тирамоҳӣ мутобиқи нақша бояд дар 6690 гектар замин гузаронида мешуд, вале бинобар сабаби номусоидии вазъи ҳаво нақшаи кишт 65 фоиз иҷро гардид.Дар хоҷагиҳо корҳои аз ғӯзапоя тоза кардани заминҳо давом дорад. Дар айни замон 70 фоизи заминҳо барои шудгор тайёр карда шудаанд.