Армуғони «Маориф ва фарҳанг»

Душанбе, 24 январ.(АМИТ «Ховар», Ҳотам Рабиев).- Соли 2011 барои кормандони Муассисаи нашриявии «Маориф ва фарҳанг» соли бобарор буд. Муассисаи мазкур нашри адабиёти таълимӣ барои мактабҳои таҳсилоти умумӣ ва олӣ, адабиёти методӣ, бадеӣ, бачагона, илмиву оммавӣ, воситаҳои таълим ва дастурҳои аёниро 141 номгӯй бо теъдоди 148350 нусха нашр намуд. Бахшида ба 20- солагии истиқлолияти давлатии Ҷумҳурии Тоҷикистон таҳти рукни «20 баҳори Истиқлол» китобҳо барои наврасон бо теъдоди умумии 68500 нусха ва плакати ҷашнӣ таҳти унвони «Шукри Истиқлоли Ватан» бо теъдоди 10000 нусха ба табъ расиданд.