Азми бинокорон

Хоруғ, 13 январ. (АМИТ «Ховар», Л.Додо ). – Соли дуюм аст, ки дар ҷамоати деҳоти Поршнев бунёди иншоотҳои маркази маъмурӣ идома дорад. Дар иншооти асосӣ — бинои дуошёнаи мақомоти иҷроияи ҳокимияти давлатии ноҳия, ки арзиши лоиҳавии он 4 миллион сомонӣ мебошад, корҳои сохтмонӣ дар авҷ аст. Корхонаи масъулияташ маҳдуди «Бунёд» (сарвараш Гулаҳмадшоҳ Шоҳсафедов) сохтмони ин биноро ба ӯҳда дорад.Бинокорон ба сардии ҳавои моҳи январ нигоҳ накарда, сохтмони иншоотро идома медиҳанд. Дар ин ҷо 68 нафар коргарон фаъолият доранд. Бинокорон аҳд кардаанд, ки бинои мақомоти иҷроияи ҳокимияти давлатии ноҳияи Шуғнонро то моҳи июн бо сифати баланд мавриди истифода қарор диҳанд.