«Чун сари кори ту бо кӯдак фитод…»

Турсунзода, 13 январ. (АМИТ «Ховар», Ҳотам Рабиев).-Тарбияи насли наврас аз вазифаҳои хеле муҳим ва аввалиндараҷаи ҷомеа маҳсуб меёбад. Бешубҳа дар ин кори муҳим нақши кӯдакистонҳо хеле муассир аст, зеро кӯдакистонҳо баъд аз оила дар камолоти кӯдак саҳми арзанда доранд. Кӯдакистони рақами 9-и шаҳри Турсунзода аз соли 1975 фаъолият дошта, он зиёда аз 300 кӯдак тарбия меёбад, ки аксарашон фарзандони коргарони корхонаи воҳиди давлатии «Ширкати алюминийи Тоҷик» мебошанд. Кӯдаконро 37 нафар мураббиҳои дилсӯзу ғамхор нигоҳубин менамоянд. Сарварии кӯдакистонро шоираи хушкалом Шарифа Аъламова ба ӯҳда дорад.