Ду корхонаи нав дар Кўлоб

Кӯлоб, 12 январ.(АМИТ «Ховар», С.Холов). — Дар соли 2011 дар шаҳри Кўлоб 2 корхонаи нав ба фаъолият шурўъ кард. Яке аз инҳо корхонаи дӯзандагист, ки 300 нафар духтарони маҳаллиро бо ҷойи кор таъмин кардааст ва дигаре корхонаи коркарди пахтаи «Тиллои сафед» мебошад. Абдуғаффор Раҳмонов, раиси шаҳри Кўлоб зимни нишасти матбуотӣ гуфт, ки дар давоми соли гузашта ин корхонаҳо ба маблағи 4,5 миллион сомонӣ бо таҷҳизоти замонавӣ муҷаҳҳаз гардидаанд. Ба гуфти раиси шаҳр, сехи истеҳсоли орд дар арафаи баҳрабардорист.