Китоби нав перомуни масъалаҳои муҳоҷират

Душанбе, 31 январ. (АМИТ «Ховар», Лутфия Эшонқулова). – Вақтҳои наздиктарин аввалин китоби муштараки муаллифони тоҷику рус аз чоп мебарояд. Маросими муаррифии китоб моҳҳои феврал — марти соли равон дар шаҳрҳои Душанбе ва Маскав сурат мегирад.Тавре аз маркази матбуоти Хадамоти муҷират ба АМИТ «Ховар» доданд, китобро Пажӯҳишгоҳи тадқиқоти илмии муҳоҷирати Донишгоҳи славянии Русияю Тоҷикистон якҷоя бо олимони рус таълиф кардааст. Мувофиқи суханони директори Пажӯҳишгоҳи мазкур Раҳмон Улмасов, дар ин китоб ҳамаи ҷиҳатҳои муҳоҷирати меҳнатӣ, проблемаҳои сиёсати муҳоҷиратӣ ва масъалаҳои идораи равандҳои муҷират зикр ёфтаанд. Китоб барои мутахассисон, намояндагони мақомоти давлатӣ, созмонҳои ғайриҳукуматӣ, кормандони ВАО ва шахсони дигари манфиатдор пешбинӣ шудааст.