Мавҷи ҳавои сибирӣ барф овард

Душанбе, 5 январ.(АМИТ «Ховар», Марзия Саидова).- Боридани барфи хушк, ки бо ворид шудани мавҷи ҳавои сарди аврупоӣ ва сибирӣ ба ҷумҳурӣ сурат гирифт, то 6 январ идома ёфта, баъдан қатъ мегардад. Дар ин хусус ба АМИТ «Ховар», Ҷамила Байдуллоева- сардори маркази обуҳавошиносии Муассисаи давлатии обуҳавошиносии ҷумҳурӣ иттилоъ дод. Мавсуф зикр кард, ки бо дохил шудани ҳавои сард аз қисмати ғарбу ҷануби кишвар ҳарорати ҳаво дар ҷумҳурӣ поин омада, дар водиҳо ҳаво -1-6, дар кӯҳҳо -2-7 дараҷа хунук мегардад.  Дар Душанбе рӯзона -1-3 ва шабона -5-7 дараҷа сард мегардад.