Муассисаҳои тиббӣ бо таҷҳизоти нав таъмин мешаванд

Душанбе, 12 январ. (АМИТ «Ховар», Кристина Эрлих). – «Ҳамаи муассисаҳои тиббии шаҳри Душанбе таъмир шуда ва бо таҷҳизоти нав таъмин мегарданд», — гуфт дар нишасти матбуотӣ аз рӯи натиҷаи фаъолият дар соли 2011 вазири тандурустии ҶТ Нусратулло Салимов. Вазир ҳамчунин қайд намуд, ки соли 2011 аз ҳисоби маблағҳои дохилӣ беш аз 170 муассисаи тиббӣ таъмир шуда, бо дастгирии ташкилотҳои хориҷӣ ва соҳибкорони кишвар дар бисёр шаҳру ноҳияҳои мамлакат марказҳои тиббӣ сохта ба истифода дода шудаанд. Дар нишасти матбуотӣ ҳамчунин дар мавриди масъалаи хидматрасонии пулакии тиббӣ сухан ронда шуд. Вазири нигаҳдории тандурустӣ гуфт, ки ҳоло 153 муассисаи муолиҷавӣ ба усули хидматрасонии пулакӣ гузаронида шудааст.