Садамаи нақлиётӣ дар ҷануби кишвар

Душанбе, 4 январ. (АМИТ «Ховар», Лутфия Эшонқулова ). – Бар асари садамаи нақлиётӣ, ки 1 январ дар ҷануби кишвар рух дод, 6 нафар ҳалок гардида ва як нафар бистарӣ шуд.Мувофиқи хабари маркази матбуоти Вазорати корҳои дохилии ҷумҳурӣ, ронандаи мошини тамғаи «Меrsedes bens» Ҳувайдулло Наҷмиддини 24 – сола ҳангоми ҳаракат аз тарафи ноҳияи Ёвон ба сӯи ноҳияи Абдураҳмони Ҷомӣ аз ӯҳдаи идораи мошин набаромада ва он ба дарахт бархӯрдааст. Дар натиҷаи ин ронанда ва панҷ нафар мусофирон ҷароҳатҳои сахт бардошта, дар маҳалли ҳодиса ҳалок гардиданд. Як мусофири дигар сахт маъюб шуда, дар беморхонаи ноҳиявӣ бистарӣ шудааст.