Спартакиадаи устодону профессорон

Суғд, 31 январ. (АМИТ «Ховар», Мирзалӣ Амонов).-Дирӯз дар факултаи таърихи Донишгоҳи Давлатии Хуҷанд ба номи академик Б.Ғафуров спартакиадаи анъанавии варзишии ҳайати устодону профессорон бахшида ба 20-умин солгарди иҷлосияи XVI-уми Шӯрои Олӣ ва 80- солагии донишгоҳ оғоз гардид.Ин 22-юмин спартакиадаи устодону профессорон буда, дар он 17 даста – зиёда аз 300 нафар аз рӯи 5 намуди варзиш- волейбол, шашка, шоҳмот, найзапартоӣ ва баскетбол ширкат меварзанд.Спартакиада тӯли шаш рӯз идома ёфта, 4-уми феврал ҷамъбаст мешавад.