Тавсеаи ҳамкорӣ дар самти табодули иттилоот

Январь 23, 2012 15:10

Душанбе, 23 январ.(АМИТ «Ховар», Марзия Саидова).-Палатаи поёнии парлумони Тоҷикистон Созишнома дар бораи мубодилаи иттилоот дар соҳаи мубориза бар зидди ҷинояткориро тасдиқ намуд. Санади мазкур моҳи майи соли 2009 дар шаҳри Остона аз ҷониби роҳбарони давлатҳои Иттиҳоди Давлатҳои Мустақил /ИДМ/ ба имзо расида, аз муқаддима ва 16 модда иборат аст. Созишнома рушди фаъолонаи ҳамкориҳо байни давлатҳои ИДМ-ро дар самти табодули иттилоот дар бахши мубориза бар зидди ҷинояткорӣ ба танзим медарорад, -мегӯяд муовини аввали вазири корҳои дохилии ҷумҳурӣ Нурулло Орифов. Амирқул Азимов, собиқ котиби Шӯрои амнияти кишвар, ки алҳол узви Кумитаи тартиботи ҳуқуқӣ, мудофиа ва амнияти Маҷлиси намояндагон аст, таъкид менамояд, ки ҷинояткорӣ бо тамоми намудҳояш барои бехатарии шахсият, ҷамъият ва давлат таҳдиди ҷиддиро пеш меорад. Бинобар ин тасдиқи Созишномаи мазкур аз сӯи парлумони Тоҷикистон рушди муносибатҳои тарафҳоро дар соҳаи мубодилаи маълумот ва таҳкими ҳамкориҳои ояндаи итилоотӣ, ҳангоми ҳимояи ҳуқуқ ва озодиҳои шаҳрвандон, мубориза бар зидди ҷинояткорӣ ва ҳифзи тартиботи ҷамъиятиро ба низом медарорад. Дар созишнома вазифаҳои ҳукуматҳои давлатҳои ИДМ доир ба пешгирӣ, ошкорсозӣ, барҳамдиҳӣ, кушодан ва тафтиши ҷиноятҳо, ба таври ройгон аз рӯи дархост пешниҳод намудани маълумоти мавҷуд дар қайдҳои фаврию иттилоотӣ, кофтуковӣ, криминалистӣ ва бойгониҳо, ҳамчунин табодули маводи илмию техникӣ, иттилоотию таҳлилӣ ва санадҳои меъёрию ҳуқуқӣ дар бахши мубориза бар зидди ҷинояткорӣ мушаххас зикр шудааст.

Январь 23, 2012 15:10

Хабарҳои дигари ин бахш

Аз 22 то 24 декабр дар бештари ноҳияҳои Тоҷикистон фаромадани туман ва резиши қирав боқӣ мемонад
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Паёми Президенти Тоҷикистон дар ташаккули қонунгузории миллӣ нақши марказӣ дорад
Имрӯз дар баъзе ноҳияҳои Тоҷикистон бориши борон ва барф дар назар аст
«Кока-Кола Нӯшокиҳои Тоҷикистон» ва Федератсияи футболи Тоҷикистон ҳамкории дарозмуддатро тасдиқ намуданд