Теъдоди корхонаҳои семент меафзояд

Душанбе, 17 январ. (АМИТ «Ховар», Кристина Эрлих). – Дар нимаи аввали соли 2012 дар Тоҷикистон ду корхонаи нави хурди семент ба истифода дода мешавад. Аз Вазорати энергетика ва саноати ҶТ дар ин бора ба хабарнигори АМИТ «Ховар» хабар доданд. Мувофиқи суханони манбаъ, корхонаҳои нав, ки иқтидорашон таносубан 72 ва 100 ҳазор тонна семент дар як сол хоҳад буд, дар ноҳияҳои Варзоб ва Мастчоҳ мавриди истифода қарор мегиранд. Хотирнишон месозем, ки соли 2011 дар Тоҷикистон беш аз 298 ҳазор тонна семент тавлид шуд. Ҳоло дар кишвар 6 корхонаи семент фаъолият дорад, ки корхонаи ҶC «Тоҷиксемент» калонтарини онҳо ба шумор меравад.