Ғалабаи қотеи «Барселона»

Душанбе, 21 феврал. ( АМИТ «Ховар», Аловиддин Бӯриев).- Дар даври 24-уми чемпионати Испания «Барселона» бар «Валенсии» бо натиҷаи қотеъи 5 бар 1 пирӯзӣ ба даст овард. Дар ҳузури беш аз 74 000 мухлис беҳтарин бозингари ҷаҳон Месси чор голро ба самар расонид. Соли 2010 дар вохӯрии ¼ ниҳоии Лигаи чемпионҳо бо «Арсенал» Месси бори аввал ба задани 4 гол дар як бозӣ мушарраф шуда буд. Акнун дар рақобати беҳтарин нишонзан дар чемпионати Испания Месси аз Криштиан Роналду ҳамагӣ як гол кам задааст ва ин шумора ба 27 гол расидааст.