Ҳамкориҳои дуҷониба вусъат меёбанд
Душанбе, 27 феврал. (АМИТ «Ховар», Покиза Маҳмадбекова). – Вазири рушди иқтисод ва савдои Ҷумҳурии Тоҷикистон Шариф Раҳимзода ва сафири фавқулодда ва мухтори Ҷумҳурии Исломии Покистон дар Ҷумҳурии Тоҷикистон Амҷад Ҳусейн Б. Сиал масъалаи рушду густариши минбаъдаи ҳамкориҳои дуҷонибаро муҳокима намуданд. Аз хадамоти матбуоти Вазорати рушди иқтисод ва савдо ба АМИТ «Ховар» иттилоъ доданд, ки дар ҷараёни мулоқот самтҳои дигари ҳамкориҳои иқтисодии мутақобилан судманд мавриди арзёбӣ қарор гирифта, ба омодагиҳо ҷиҳати баргузории Конфронси панҷуми ҳамкории иқтисодии минтақавӣ оид ба Афғонистон (PECCA V), ки моҳи оянда дар шаҳри Душанбе баргузор мегардад, таваҷҷӯҳи бештар зоҳир гардид.