Ҳифзи ҳуқуқҳои иқтисодии занону духтарон
Душанбе, 13 феврал. (АМИТ «Ховар», Кристина Эрлих). – 17 феврал дар шаҳри Душанбе маросими ҷамъбаст намудани натиҷаи фаъолияти лоиҳаи ҳифзи ҳуқуқҳои иқтисодии занону духтарон, ки онро Созмони ҷамъиятии «Даст ба даст» бо дастгирии Сафорати ИМА дар амал татбиқ менамояд, баргузор мегардад. Дар ин бора аз Созмони ҷамъиятии «Даст ба даст» хабар доданд.Мувофиқи суханони манбаъ, дар ин чорабинӣ намояндагони ВАО ва ташкилотҳои ғайриҳукуматӣ, ҳамчунин як қатор созмонҳои давлатию байналмилалӣ иштирок менамоянд. Дар ҳошияи лоиҳа натиҷаи озмуни суратгирон таҳти унвони «Зан дар олами тиҷорат» ҷамъбаст карда мешавад.