«Андиҷон» месанҷад

Душанбе, 27 феврал. ( АМИТ «Ховар», Аловиддин Бӯриев).- Дастаи футболи «Андиҷон»-и Ӯзбекистон ду бозингари ҷавони тоҷик Фарҳод Тоҳиров ва Даврон Эргашевро аз назар мегузаронад. Ин бозингарон дар ҳайати тими «Истиқлол» ҳунарнамоӣ доштанд ва тавре ки сухангӯи клуби мазкур Фаридун Солиев хабар дод, алҳол шартномаи ин бозингарон бо даста ба анҷом расидааст ва метавонанд ба ҳайати ҳар дастае, ки хоҳанд, шомил шаванд. Ин масъала баъди бозии интихобии Ҷоми ҷаҳон бо дастаи мунтахаби Куриёи Шимолӣ ҳал хоҳад шуд.