Дастаи мунтахаби ҷавонон дар гурӯҳи «С»

Душанбе, 15 январ. ( АМИТ «Ховар», Аловиддин Бӯриев).- Дастаи мунтахаби футболи ҷавонони то 22-солаи мамлакат дар қуръакашии бозиҳои интихобии Чемпионати Осиё ба гурӯҳи «С» шомил шуда, бо дастаҳои Баҳрайн, Эрон, Қатар, Кувайт ва Малдив барои роҳхат ба бозиҳои ниҳоӣ мусобиқа мекунад. Дастаи мунтахаби моро дар ин синну сол сармураббии дастаи мунтахаби аввал, мутахассиси босниягӣ Камол Алиспахич ба бозиҳо омода мекунад. Дар ин бора ноиби Президенти ФФТ Валерий Турсунов хабар дод.