Дастаи мунтахаби Тоҷикистон бо «Нистру» вомехӯрад

Душанбе, 20 феврал. (АМИТ «Ховар», Пайрав Назаров). – Дастаи мунтахаби Тоҷикистон оид ба футбол дар ҳошияи омодагӣ ба вохӯрии интихобӣ бо дастаи Ҷумҳурии Мардумии Демократии Куриё, ки бояд 29 феврал баргузор гардад, 20 феврал дар шаҳри Белеки Туркия вохӯрии дуюми санҷиширо бо клуби «Нистру» — и Молдова анҷом медиҳад. Тавре намояндаи матбуоти Федератсияи футболи Тоҷикистон Фаридун Солиев аз Туркия ба АМИТ «Ховар» хабар дод, 18 феврал дастаи мунтахаби Тоҷикистон бояд бо клуби «Клуж» — и Руминия бозии санҷишотиро анҷом медод, вале ин бозӣ бо сабабҳои узрнок сурат нагирифт.