Кӯмаки навбатии Бонки Умумиҷаҳонӣ

Душанбе, 23 феврал. (АМИТ «Ховар», Покиза Маҳмадбекова). – Бонки Умумиҷаҳонӣ барои татбиқи лоиҳаи бақайдгирии замин ва системаи кадастрӣ ба манзури рушди устувори бахши кишоварзии Тоҷикистон ба таври илова 10 миллион доллар ҷудо кард.Тавре дар намояндагии Бонки Умумиҷаҳонӣ дар Тоҷикистон ба АМИТ «Ховар» хабар доданд, маблағгузории иловагӣ ба густариши реструктуризатсияи заминҳои бахши кишоварзӣ мусоидат намуда, ҳамчунин ба роҳандозӣ намудани як қатор тадбирҳо ва нақшаҳои оид ба рушди системаи минбаъдаи бақайдгирии амволи ғайриманқул дар Тоҷикистон кӯмак мекунад.Мувофиқи суханони манбаъ, ин тадбир шароити мусоиди рушди бахши инфиродии кишоварзӣ ва соҳаи иқтисодиётро фароҳам меорад.