Комил Саидов дар «Регар ТадАЗ»

Душанбе, 3 феврал. ( АМИТ «Ховар», Аловиддин Бӯриев).- Ҳамлагари дастаи мунтахаби ҷумҳурӣ ва ССКА «Помир» Комил Саидов имрӯзҳо дар ҳайати дастаи «Регар- ТадАЗ» ба тамрин фаро гирифта шудааст. Шартномаи ӯ бо ССКА «Помир» ба анҷом расидааст. Дар сурати аз имтиҳони мураббиён гузаштан ӯ метавонад ба ҳайати дастаи «Регар- ТадАЗ» гузарад. Комил дар чемпионати соли гузашта ба дарвозаи ҳарифон 21 тӯб задааст. Имрӯзхо, дар ҳайати регариҳо Раҳмоналӣ Баротов аз дастаи «Хайр», Ҳикматулло Расулов, Фаррухи Ҷӯрахон ва Хайриддин Турсунов аз «Равшан», Алишер Шарипов ва Саид Эргашев аз «Шодмон» ва Илҳом Ортиқов аз ССКА «Помир» аз назар мегузаранд.