Маҳрумияти тими мунтахаби олимпии Ироқ аз ғалаба

Душанбе, 9 феврал. ( АМИТ «Ховар», Аловиддин Бӯриев).- Конфедератсияи футболи Осиё дастаи мунтахаби олимпии Ироқро аз галабаи бадастовардааш дар вохӯрӣ бо дастаи Амороти Мутахидаи Араб дар силсилабозиҳои интихобии Олимпӣ- 2012 бо ҷурми истифодаи бозингари аз бозиҳо бар каноршуда ба бохти техникии 3 бар 0 ҷазо дод. Бозие, ки рӯзи 27 ноябр дар шаҳри Доҳа баргузор шуда буд, бо ғалабаи футболбозони Ироқ бо ҳисоби 2 бар 0 ба поён расид. Вале ироқиҳо муҳофизатгари аз ду бозӣ рондашуда Ҷосим Файсалро дар вохӯрӣ истифода бурданд ва ин боиси муҷозот гардид. Дар ин гурӯҳ бо 8 имтиёз дастаҳои мунтахаби Ӯзбекистон ва Аморот дар зинаи аввал, Австралия бо 3 имтиёз дар зинаи сеюм ва Ироқ бо 1 хол дар зинаи чорум ҷойгир шудаанд.