Маркази нави хизматрасонии «Бонки Эсхата»

Душанбе, 9 феврал. (АМИТ «Ховар», Покиза Маҳмадбекова). – «Бонки Эсхата» дар яке аз маҳаллаҳои пойтахт маркази навбатии хизматрасониро ифтитоҳ намуд. Тавре сардори раёсати кредитии бонки мазкур Носир Орифов ба АМИТ «Ховар» хабар дод, «хидматрасонии босуръату хушсифати бонкӣ ва марказҳои нави хизматрасонӣ ба беҳдошти адои хидмати нафақат марказҳои шаҳрҳо, балки ба ноҳияҳои ҷумҳурӣ ҳам мусоидат менамояд»,Мувофиқи суханони Носир Орифов, маркази хидматрасонии бонкӣ воқеъ дар маркази тиҷоратии «Саодат» аллакай хидмати муштариёнашро аз қабили додани қарзҳои пулӣ ва интиқоли маблағҳо роҳандозӣ намудааст.