Мулоқоти Қ.Қоимдодов бо Д.Катеринич
Маскав, 29 феврал. (АМИТ «Ховар», Ҳалима Хушқадамова). – 27 феврал мулоқоти Сафири Тоҷикистон дар Ҷумҳурии Беларус Қ.Қоимдодов бо вазири саноати Беларус Д.Катеринич баргузор гардлид.Дар мулоқот муовини аввали вазири саноати Беларус И.Демидович, директори генералии корхонаи воҳиди давлатии «Минский тракторный завод» («Заводи тракторсозии Минск») А.Пуховой ва роҳбарони раёсатҳои фаъолияти иқтисодии хориҷии ҶКС «БелАЗ» ва ҶКС «МАЗ» низ ширкат доштанд. Зимни мулоқот ҷараёни иҷрои дастурҳои сарони ду давлат аз рӯи натиҷаи сафари Президенти Ҷумҳурии Беларус А.Лукашенко ба Тоҷикистон моҳи октябри соли 2011, ҳамчунин нуктаҳои Протоколи иҷлосияи 7 – уми Комиссияи байниҳукуматӣ мавриди баррасӣ қарор гирифтанд.Қ.Қоимдодов зарурати тезонидани иҷрои вазифаҳои ба миён гузошташуда, хусусан дар қаламрави Тоҷикистон бунёд намудани корхонаи васли техникаи кишоварзиро таъкид намуд. Ҷонибҳо қайд намуданд, ки дар ҳоли ҳозир гурӯҳи корӣ таъсис ёфтааст, ки то моҳи апрели соли ҷорӣ механизми ташкили чунин корхонаро таҳлил менамояд. Дар ин бора дар Сафорати Ҷумҳурии Тоҷикистон дар Ҷумҳурии Беларус ба хабарнигори АМИТ «Ховар» дар қисми аврупоии кишварҳои ИДМ хабар доданд.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
