Рӯзи хотираи ҷанговарони интернатсионалист таҷлил мешавад

Душанбе, 13 феврал. (АМИТ «Ховар», Людмила Дубинина). – Бо ибтикори Иттифоқи ҷанговарони интернатсионалисти Тоҷикистон ва Маркази илму фарҳанги Русия 15 феврал мизи мудаввар дар мавзӯи «Масъалаҳои муҳими тарбияи ватандӯстонаи ҷавонон» бахшида ба Рӯзи хотираи ҷанговарони интернатсионалист баргузор мегардад.Дар кори мизи мудаввар, олимон, муаллимон, донишҷӯёни Донишгоҳи миллии Тоҷикистон, Академияи ВКД, Донишкадаи ҳарбӣ ва Литсейи Вазорати мудофиаи ҶТ, ҳамчунин намояндагони ташкилотҳои давлатӣ, байналмилалӣ ва ҷамъиятӣ иштирок менамоянд.Дар ҷараёни мизи мудаввар масъалаҳои вазъияти зисту фаъолияти ҷанговарони интернатсионалист, тарбияи ҳарбию ватандӯстонаи ҷавонон, доир намудани озмунҳои суруд, мусобиқоти шоҳмотбозон ва тадбирҳои дигар мавриди баррасӣ қарор мегиранд.Дар ин бора аз Маркази илму фарҳанги Русия ба АМИТ «Ховар» хабар доданд.