Робитаҳои иқтисодӣ бо Эрон густариш меёбанд
Душанбе, 22 феврал. (АМИТ «Ховар», Покиза Маҳмадбекова). — «Шароити сармоягузории эрониён дар Ҷумҳурии Тоҷикистон» — таҳти чунин унвон 22 феврали соли равон дар Вазорати рушди иқтисод ва савдои ҷумҳурӣ ҳамоиш баргузор гардид. Ба мухбири АМИТ «Ховар» аз Хадамоти матбуоти вазорати мазкур иттилоъ доданд, ки дар ҳамоиш намояндагони вазорату идораҳои дахлдори кишвар ва роҳбарони ширкатҳои бонуфузи истеҳсолии Ҷумҳурии Исломии Эрон иштирок намуданд. Муовини аввали Вазири рушди иқтисод ва савдои ҶТ Ҳамидуллохон Фақеров ва коршиноси бахши иқтисодии Сафорати Ҷумҳурии Исломии Эрон дар Ҷумҳурии Тоҷикистон Аббос Баёнӣ дар мавриди густариши робитаҳои иқтисодию тиҷоратии ҳарду кишвар сухан карданд. Инчунин намояндагони ду кишвари бо ҳам дӯст дар мавзӯъҳои «Робитаҳои иқтисодию тиҷоратии Ҷумҳурии Тоҷикистон бо Ҷумҳурии Исломии Эрон дар солҳои охир» ва «Нақш ва аҳамияти шаҳракҳои саноатӣ дар иқтисоди Ҷумҳурии Исломии Эрон ва дурнамои ҳамкориҳои соҳибкорони эронӣ дар эҷоди шаҳракҳои саноатӣ дар Ҷумҳурии Тоҷикистон» ҳарф заданд. Бояд гуфт, ки дар ҳошияи ҳамоиш вохӯрии соҳибкорони ҶТ бо соҳибкорони Ҷумҳурии Исломии Эрон дар назар аст, ки он 24 феврали соли равон баргузор мегардад.
Дар Суғд ҷаласаи сайёри Кумитаи иҷроияи марказии Ҳизби Халқии Демократии Тоҷикистон доир гардид
Имрӯз дар Тоҷикистон сар задани селҳои пиряхӣ дар назар аст
ТАҚВИМИ АМИТ «ХОВАР»: имрӯз 12 август, сешанбе, 224-умин рӯзи соли 2025 аст
Барои хатмкунандагони муассисаҳои таҳсилоти миёнаи умумӣ ва таҳсилоти ибтидоӣ ва миёнаи касбӣ омӯзиши забони олмонӣ оғоз меёбад
Дурнамо ва густариши ҳамкорӣ байни Тоҷикистон ва Покистон баррасӣ гардид
Далер Наимов: «Дастаи мо аз шахсони зираку кордон иборат аст»
Имрӯз дар Душанбе ҳавои камабри бебориш дар назар аст
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
