Саршумори чорвои калони шохдор афзуд

Душанбе, 15 феврал. (АМИТ «Ховар», Покиза Маҳмадбекова ). – То моҳи январи соли ҷорӣ шумори чорвои калони шохдори Тоҷикистон баробари 85 ҳазору 600 сар афзуд, ки ин назар ҳамин давраи соли гузашта 4, 2 фоиз зиёд аст.Мувофиқи маълумоти Агентии омори назди Президенти ҶТ, то 1 феврали соли равон шумори чорвои калони шохдор дар ҳамаи ниҳодҳои хоҷагиҳо 1 миллиону 959 ҳазору 800 сарро ташкил дод. Дар давраи гузашта шумораи бузу гӯсфанд баробари 115 ҳазору 100 сар, ё 2,7 фоиз афзуд. Аз ҷумлаи саршумори умумии чорво ҳиссаи хонаводаҳои аҳолӣ 91,8 фоизро ташкил медиҳад.Ҳаҷми истеҳсоли гӯшт дар ҳамаи ниҳодҳои хоҷагиҳо то 1 феврали соли 2012 беш аз 8 ҳазору 200 тоннаро ташкил дод, ки назар ба ҳамин давраи соли гузашта 6,9 фоиз зиёд аст.