Шароити кори судҳо беҳтар шуд, аммо…
Душанбе, 13 феврал. (АМИТ «Ховар», Лаззат Диловарзод).- Ба гуфти раиси Шўрои адлияи Ҷумҳурии Тоҷикистон Зафар Азизов, барои таъмиру барқарорсозии бинои судҳо, хариди маводи хоҷагию дафтардорӣ, мебел ва таҷҳизот, таъмини сўзишворӣ ва хизматрасонии коммуналӣ беш аз 2 млн. 200 ҳазор сомонӣ сарф гардида, ба маблағи 1 млн. 360 ҳазор сомонӣ дар бинои судҳои шаҳру ноҳияҳо ва вилоятҳо камераҳои мушоҳидавӣ насб гардид.Бо мақсади таъмини шароити моддию техникӣ бинои суди ноҳияи Восеъ бо арзиши беш аз 1 млн. сомонӣ бо мебелу таҷҳизоти замонавӣ ҷиҳозонида шуд. Сохтмони бинои суди ноҳияи Ванҷ бо арзиши беш аз 1 млн. 30 ҳазор сомонӣ омода ба истифода мебошад.