Соҳиб Усаров: пирӯзӣ бар чемпиони олимпӣ

Душанбе,10 феврал. ( АМИТ «Ховар», Аловиддин Бӯриев).- Дар шаҳри Олбани штати Ню-Йорк боксчии тоҷикистонӣ Соҳиб Усаров дар мусобиқаи боксчиёни касбӣ чемпиони бозиҳои Олимпии соли 2004 ва чемпиони ҷаҳон Ян Бартелемиро аз Куба ба шикаст рӯ ба рӯ кард. Дар давоми вохӯрии 10 раунда ҳамаи доварон ғалабаро ба варзишгари мо мансуб донистанд(98:91, 96:93, 96:93). Соҳиб Усаров чор сол аст, ки дар байни боксчиёни касбӣ маҳорат нишон медиҳад ва дар 18 вохӯрии гузаронидааш ғалаба карда, дар шаштоаш пеш аз мӯҳлат бо накаут ғолиб омадааст.