Таҳдиди куштан бо корд дар Ҳисор

Душанбе, 27 феврал. (АМИТ «Ховар», Назрулло Асозода).- 23 феврал аризаи шаҳрванд Хоҷаназарова Р., соли таваллудаш 1970, ба Вазорати корҳои дохилӣ ворид гардид. Тибқи шикояти шаҳрванд 23 феврал, соати 02:00 дақиқа ӯро шавҳараш Қаҳҳоров Алиҷон, соли таваллудаш 1981, сокини шаҳраки Ҳисор таҳдиди куштор намуда, якчанд маротиба бо корд ба баданаш мезанад. Дар натиҷа Хоҷаназарова Р. ҷароҳати вазнини ҷисмонӣ бардошта, дар беморхонаи ноҳияи Ҳисор бистарӣ мегардад. Дар ин бора ба АМИТ «Ховар» котиби матбуотии Вазорати корҳои дохилӣ Маҳмадулло Асадуллоев хабар дод.