Вусъати корҳои сохтмонӣ

Кӯлоб, 6 феврал. (АМИТ «Ховар», С.Холов ). – Дар соли 2011 дар шаҳри Кӯлоб дар соҳаи сохтмон аз ҳисоби ҳамаи манбаъҳо 7 миллиону 589 ҳазору 960 сомонӣ маблағ азхуд шуда, корҳои сохтмону васлгарӣ дар ҳаҷми 7 миллиону 589 ҳазору 960 сомонӣ ба итмом расид. Дар айни ҳол корҳои сохтмонӣ дар бинои Қасри фарҳанг, майдони варзишӣ барои 6000 ҷой, сохтмони ду мактаб барои 500 хонанда, сохтмони ҳаммом барои 20 ҷой, боғчаи бачагон барои 60 нафар идома дошта, дар ҳолати сари вақт маблағгузорӣ гардидан сохтмони ин иншоот то охири сол ба итмом мерасад.