Машқҳои зиддитеррористӣ дар ҶТ

Душанбе, 12 март. (АМИТ «Ховар», Лутфия Эшонқулова). – Моҳи июни соли равон дар қаламрави вилояти Суғд дар чаҳорчӯбаи Созмони Ҳамкории Шанхай машқҳои муштараки зиддитеррористӣ баргузор мешаванд.Машқҳои зиддитеррористӣ дар се марҳала сурат гирифта, дар онҳо гурӯҳҳои зудамали ҷузъу томи Қувваҳои Мусаллаҳи 5 давлати аъзои СҲШ – Тоҷикистон, Қазоқистон, Қирғизистон, Чин ва Русия иштирок менамоянд. Дар ҷараёни машқҳо амалиёти махсуси зиддитеррористӣ дар кӯҳсор такмил дода мешавад. Дар ин машқҳо усулҳои нави пайдо, муҳосира ва нест кардани дастаҳои шартии мусаллаҳ, ки гӯё як деҳаи кӯҳистонро ишғол карда бошанд, мавриди истифода қарор мегиранд.