«Ҳумо»-ю «Сирандуд» фаъоланд

Душанбе, 17 апрел. (АМИТ «Ховар», Дилшодаи Хайруллоҳ).- Тибқи иттилои Вазорати энергетика ва саноати ҷумҳурӣ дар семоҳаи якуми соли 2012 корхонаҳои саноати мошинсозӣ ва кимиёи тобеи вазорат ба маблағи 46588,4 сомонӣ маҳсулот истеҳсол намуданд, ки назар ба ҳамин давраи соли гузашта 13753,8 ҳазор сомонӣ зиёд мебошад. Суръати афзоиши истеҳсоли маҳсулот назар ба ҳамин давраи соли гузашта 141,9 фоиз таъмин гардид. Дар ин давра якчанд корхонаи саноатӣ, ба монанди КД «Востокредмет», КВД «Садаф», КВД «Тоҷиктекстилмаш», ҶСП «Регаркабел», ҶСП «Сомон-Кӯлоб таҷҳизот», ҶММ «Системавтоматика», ҶСШК «Сирандуд», ҶСШК «Ҳумо» хуб фаъолият намуда, суръати афзоиши истеҳсоли маҳсулотро назар ба ҳамин давраи соли 2011 бештар аз 110% таъмин намуданд.