Ҷамъбасти натиҷаҳои семоҳа

Душанбе, 17 апрел. (АМИТ «Ховар», Покиза Маҳмадбекова). – 16 апрели соли равон дар Вазорати рушди иқтисод ва савдои ҷумҳурӣ ҷаласаи ҳайати мушовараи вазорат баргузор гардид.  Вазири рушди иқтисод ва савдо Шариф Раҳимзода дар рафти ҷаласа доир ба фаъолияти вазорат ва ҷамъбасти натиҷаҳои рушди иҷтимоию иқтисодии Ҷумҳурии Тоҷикистон дар семоҳаи якуми соли ҷорӣ ва вазифаҳо то охири соли 2012 муфассал маълумот дод. Дар ҷараёни ҷаласа масъалаҳои вобаста ба рушди содирот ва вазъи воридот, такмили низоми пешниҳоди лоиҳаҳо ба Барномаи давлатии сармоягузорӣ, ҳамчунин масъалаҳои ҷорӣ мавриди баррасӣ қарор гирифтанд.