Худкушии футболбози кореягӣ
Душанбе, 17 апрел. ( АМИТ «Ховар», Аловиддин Бӯриев).- Футболбози кореягӣ Ли Гюн Хван, ки бо сабаби иштирокаш дар бозиҳои бомаслиҳат аз футбол умрбод дур карда шуда буд, ба худкушӣ даст задааст, -хабар медиҳад сомонаи Goal.com. Ин бозингари 24- сола дар шаҳри Ичхон худро аз боми хонааш ба замин партофт ва дар роҳ ба сӯи беморхона ҷон дод.Ли Гюн Хван дар ҳайати дастаи «Тэчҷон Ситизен» ва «Сувон Самсунг Блюингз» бозӣ кардааст. Ин ҳодисаи чорум дар ин поя аст. Моҳи маи соли 2011 нимҳимоятгари яке аз дастаҳои дивизиони сеюми ин кишвар Чжон Чон Кван худро дар хонааш овехта буд. Мураббӣ Ли Су Чхол ва дарвозабони «Ичхон Юнайтед» Юн Ки Вон ҳам бо ҳамин тарз бо ин ҷаҳон падруд гуфтаанд