Тағйирот дар багузории ҷоми Президенти АФК
Душанбе, 17 апрел. ( АМИТ «Ховар», Аловиддин Бӯриев).- Тавре ки сомонаи Конфедератсияи футболи Осиё www.the-afc.com хабар медиҳад, дар гузаронидани бозиҳои Ҷоми президенти АФК, ки чемпиони Тоҷикистон дар он иштирок мекунад, тағйирот ба амал омад. Дар гурӯҳҳои «А» ва «С» ба ҷои чор дастаи пешбинишуда се дастагӣ байни ҳам мусобиқа мекунанд. Дар гурӯҳи «А» чемпиони Бангладеш «Шайх Ҷамол Даҳанмунди» ва аз гурӯҳи «С» чемпиони Шри-Ланка «Ратнам Спортс Клаб» аз иштирок кардан берун шуданд. Ҳамин тавр замони гузаронидани бозиҳо ҳам тағйир ёфт. Дар гурӯҳи «С», ки бозиҳо дар Тоҷикистон мегузаранд, оғози мусобиқа ба рӯзи 5 май гузаронида шуд. Дар ин рӯз тими «Балкан»-и Туркманистон бо клуби ҷавонони «Аламмари»-и Фаластин вомехӯрад.Рӯзи 7 май «Истиқлол» бо клуби ҷавонони «Аламмари» ва рӯзи 9 май бо дастаи «Балкан» бозиҳояшро сомон хоҳад дод. Дар гурӯҳи «Б» тағйирот ба амал наомадааст. Бозиҳои нихоӣ аз 24 то 30-ми сентябр барпо мегарданд. Макони баргузории вохӯриҳо баъдан муайян хоҳад шуд.