Вуруди технологияҳои нав барои корхонаҳои мошинсозӣ
Душанбе, 17 апрел. (АМИТ «Ховар», Дилшодаи Хайруллоҳ).- Бо мақсади иҷрои нақшаҳои рушди соҳаи саноат ба коргоҳ ва корхонаҳои навтаъсиси соҳаи мошинсозӣ ва кимиё дар семоҳаи аввали соли 2012 ба маблағи 935 ҳазор доллари ИМА дастгоҳу таҷҳизот ва хатҳои технологӣ ба ҷумҳурӣ ворид гардидааст. Дар шаҳри Қайроққум ҶММ «Сайқал» хати технологии коркарди дуюмбораи пластмассаро аз Ҷумҳурии Мардумии Чин ба маблағи 19,2 ҳазор доллари ИМА ворид ва насб намуда ба истифода додааст. Корхона партовҳои пластмассиро дар минтақаҳои вилояти Суғд ҷамъоварӣ намуда, аз он гранулаи пластмассӣ истеҳсол ва ба Чин содир менамояд.Дар ин бора аз Вазорати энергетика ва саноати Ҷумҳурии Тоҷикистон иттилоъ доданд.